Prezi Prep

Prezident maktabi test savollari: namunalar va yechimlar

Yangilangan: 7-oktabr, 2026

Savollar Prezi Prep jamoasi tomonidan 4-sinf dasturi va imtihon formati asosida tuzilgan; rasmiy imtihon savollari emas. Avval o’zingiz yeching, keyin javobni oching.

Sonlar va amallar

3, 7, 0 va 5 raqamlaridan tuzilgan eng katta to’rt xonali son bilan eng kichik to’rt xonali sonning ayirmasini toping (har raqam bir marta ishlatiladi).

  1. A4 473
  2. B4 437
  3. C4 374
  4. D4 743
Javobni ko’rish

To’g’ri javob: A — 4 473

Eng katta son — raqamlar kamayish tartibida: 7530. Eng kichigi — o’sish tartibida, lekin son 0 bilan boshlanmaydi: 3057. Ayirma 7530 − 3057 = 4 473.

48 ni 6 ga bo’ling, natijani 9 ga ko’paytiring, so’ng hosil bo’lgan sonni 100 dan ayiring. Nima chiqadi?

  1. A28
  2. B38
  3. C18
  4. D72
Javobni ko’rish

To’g’ri javob: A — 28

48 : 6 = 8; 8 · 9 = 72; 100 − 72 = 28. Variantdagi 72 — oxirgi amal bajarilmagan javob.

Kasrlar

Sinfda 32 ta o’quvchi bor, ularning 3/8 qismi qizlar. Sinfda nechta o’g’il bola bor?

  1. A12
  2. B20
  3. C24
  4. D8
Javobni ko’rish

To’g’ri javob: B — 20

Qizlar: 32 : 8 · 3 = 12. O’g’il bolalar: 32 − 12 = 20. Savol qizlar sonini emas, o’g’il bolalar sonini so’ragan — 12 bu yerda tuzoq.

Tenglama

x · 4 − 18 = 30 tenglamada x ni toping.

  1. A3
  2. B12
  3. C48
  4. D6
Javobni ko’rish

To’g’ri javob: B — 12

Avval ayirmani yo’qotamiz: x · 4 = 30 + 18 = 48. Keyin x = 48 : 4 = 12. Tekshiramiz: 12 · 4 − 18 = 48 − 18 = 30.

Geometriya

To’g’ri to’rtburchakning perimetri 36 sm, bo’yi enidan 2 marta uzun. Uning yuzini toping.

  1. A72 sm²
  2. B36 sm²
  3. C108 sm²
  4. D54 sm²
Javobni ko’rish

To’g’ri javob: A — 72 sm²

Eni a bo’lsa, bo’yi 2a; perimetr 2 · (a + 2a) = 6a = 36, demak a = 6 sm, bo’yi 12 sm. Yuza 6 · 12 = 72 sm².

Qirrasi 3 sm bo’lgan kubning barcha qirralari uzunligi yig’indisi nechaga teng?

  1. A27 sm
  2. B36 sm
  3. C54 sm
  4. D12 sm
Javobni ko’rish

To’g’ri javob: B — 36 sm

Kubning 12 ta qirrasi bor, hammasi teng: 12 · 3 = 36 sm. 27 — hajm (sm³), 54 — to’liq sirt yuzasi (sm²): ikkalasi ham bu savolga javob emas.

Matnli masala

Poyezd 3 soatda 180 km yurdi. Shu tezlikda 5 soatda necha kilometr yuradi?

  1. A300 km
  2. B240 km
  3. C360 km
  4. D270 km
Javobni ko’rish

To’g’ri javob: A — 300 km

Tezlik 180 : 3 = 60 km/soat. 5 soatda 60 · 5 = 300 km. 240 — 4 soat uchun, 360 — 6 soat uchun.

Mantiq

Bir qatorga 5 ta bola turdi. Ali eng boshida, Vali eng oxirida. Said Alining yonida, Lola Valining yonida turibdi. Beshinchi bola Karim nechanchi o’rinda?

  1. A2-o’rinda
  2. B3-o’rinda
  3. C4-o’rinda
  4. DAniqlab bo’lmaydi
Javobni ko’rish

To’g’ri javob: B — 3-o’rinda

1 — Ali, 5 — Vali. Said Alining yonida — 2-o’rin; Lola Valining yonida — 4-o’rin. Bo’sh qolgan yagona joy — 3-o’rin, Karim o’sha yerda.

Keyin nima qilish kerak?

8 tadan 6 va undan ko’pi to’g’ri bo’lsa — sinov imtihonlariga o’tish vaqti. Kam bo’lsa — xato chiqqan mavzudan boshlang: mavzular ro’yxati bu sahifada. Prezi Prep’da 800 dan ortiq shunday savol bor, har biriga tushuntirish bilan, va bepul rejada har kuni bitta mavzu testi.

Savol-javob

Tayyorlovni bugun boshlang

Mavzu testlari, haftalik sinov imtihonlari va inglizcha so’zlar — 4-sinf uchun, kirish imtihoni formatida. Bepul reja muddatsiz.

Bepul boshlash

Yana o’qing